Të rinjtë e të rejat në moshë madhore të Kishës së Jezu Krishtit të Shenjtorëve të Ditëve të Mëvonshme ftohen që të afrohen më shumë me Jezu Krishtin duke marrë pjesë në takimin shpirtëror mbarëbotëror për të rinjtë e të rejat në moshë madhore më 3 nëntor 2024, në kontinentin amerikan dhe më 10 nëntor në zona të tjera.
Plaku Dejvid A. Bednar, i Kuorumit të Dymbëdhjetë Apostujve, dhe bashkëshortja e tij, Suzana, do të japin mesazhe posaçërisht për të rinjtë e të rejat e moshave 18 deri në 35 vjeç.
Plaku dhe Motra Bednar ju ftojnë të përgatiteni për këtë takim shpirtëror. Plaku Bednar tha: “Pesëmbëdhjetë vjet më parë, mbajta një fjalim në një mbledhje mbarëbotërore për të rinjtë e të rejat në moshë madhore me titullin: “Gjërat Ashtu siç Janë në të Vërtetë”. Fola për bekimet dhe sfidat e pajisjeve digjitale në jetën tonë. Dhe shumë gjëra kanë ndryshuar në botën digjitale që prej asaj kohe.
Të dielën, më 3 nëntor, unë do të jap një bisedë me titullin: “Gjërat Ashtu siç Janë në të Vërtetë, Varianti 2.0” në një takim tjetër shpirtëror.
Ju ftoj të përgatiteni për këtë takim duke e lexuar mesazhin tim fillestar dhe duke e përgatitur zemrën dhe mendjen tuaj që Shpirti i Shenjtë t’ju mësojë se si ta dalloni të vërtetën nga gabimi.”
Lexojeni bisedën “Things as They Really Are” [“Gjërat Ashtu siç Janë në të Vërtetë”] në Gospel Library [Biblioteka e Ungjillit] ose shikojeni atë këtu.
Zonat e Tjera të Botës
Në zonat jashtë kontinentit amerikan, shikoni për mundësi vendore për ta parë ritransmetimin pasditen ose mbrëmjen e së dielës, më 10 nëntor.
Si ta Shihni
Shiheni takimin shpirtëror drejtpërsëdrejti dhe sipas kërkesës për dy javë në broadcasts.ChurchofJesusChrist.org. Studiojeni takimin shpirtëror më vonë në Gospel Library [Biblioteka e Ungjillit].
Për hollësitë e transmetimit, përfshirë programin e transmetimit, gjuhët në dispozicion dhe titrat e transkriptimit për personat me probleme dëgjimi, shihni programin e transmetimit.