Takimi shpirtëror do të kremtojë qëllimin dhe themelimin e Shoqatës së Ndihmës, i cili ndodhi më 17 mars 1842. Ftohen të marrin pjesë të gjitha anëtaret e Shoqatës së Ndihmës dhe të rejat që mbushin 18 vjeçe në vitin 2024. Pas mesazheve të takimit shpirtëror, Shoqatat e Ndihmës do të kenë mundësinë të zhvillojnë një mbledhje vendore dëshmish ku motrat mund të shprehin besimin e tyre te Jezu Krishti.
Shoqatat e Ndihmës të kunjeve ose të lagjeve nxiten të mblidhen për takimin shpirtëror dhe mbledhjen e dëshmive mbrëmjen e së dielës, më 17 mars. Kur kufizimet e bëjnë të vështirë mbledhjen në këtë kohë, Shoqatat e Ndihmës mund të dëshirojnë të mblidhen nga afër në një kohë tjetër. Udhëheqësit gjithashtu nxiten ta transmetojnë takimin shpirtëror dhe mbledhjen e dëshmive për ato që nuk mund të marrin pjesë nga afër.
Këshillat e kunjeve ose të lagjeve nxiten të këshillohen së bashku për të diskutuar për sa vijon:
- Mënyrat se si anëtarët e Kishës mund të ndihmojnë në sigurimin e përkrahjes për përkujdesjen ndaj fëmijëve gjatë ngjarjes, në mënyrë që të gjitha motrat e Shoqatës së Ndihmës të marrin pjesë.
- Një orar mbledhjeje për takimin shpirtëror që i përmbush më së miri nevojat e motrave në çdo zonë.
- Një rend dite për mbledhjen (shihni shembullin e mëposhtëm):
- Lutja e hapjes
- Transmetimi i regjistruar paraprakisht (35 minuta): Mesazhet nga Presidenti Nelson dhe Presidenca e Përgjithshme e Shoqatës së Ndihmës
- Dhënia e dëshmive: kohëzgjatja të përcaktohet nga kunji ose lagjja.
- Kënga e mbylljes
- Lutja e mbylljes
- Sugjerime të tjera:
- Nxitini motrat e Shoqatës së Ndihmës që t’i shënojnë mbresat që mund të marrin gjatë takimit shpirtëror.
- Ftojini motrat të lidhen në rang global në mjetet shoqërore rreth ngjarjes duke përdorur thurjen #JesusChristIsRelief.
- Kërkojuni presidencave vendore të Shoqatës së Ndihmës që të ndihmojnë për zhvillimin e ngjarjes.
Motrat e Shoqatës së Ndihmës mund të lidhen në rang global për ngjarjen duke përdorur thurjen #JesusChristIsRelief.
Shikimi i Transmetimit
Shikojeni takimin shpirtëror në Gospel Library [Biblioteka e Ungjillit], Media Library [Biblioteka e Mjeteve të Informimit], YouTube dhe në këtë hallkë lidhëse të transmetimit.
Transmetimi do të jetë në dispozicion në gjuhët vijuese:
anglisht, frëngjisht, gjermanisht, italisht, portugalisht dhe spanjisht. Gjuhë të tjera do të sigurohen në javët pasuese pas transmetimit.