Duke filluar nga data 1 dhjetor 2023, çdokush që ka një llogari Kishe, si anëtarët edhe miqtë, mund të regjistrohet për një abonim vjetor pa pagesë për çdo vatër familjare, te njëra ose më shumë prej revistave të Kishës.
Plaku Diter F. Uhtdorf tha: “Ne vijmë më afër Jezu Krishtit teksa marrim pjesë në mënyrë të vazhdueshme në studimin e ungjillit në shtëpi. Kisha dëshiron të japë të drejtë përdorimi më të madhe ndaj fjalëve të profetëve dhe ne jemi të lumtur t’i vëmë kopjet e shtypura në letër të revistave të Kishës në dispozicion pa pagesë.”
Vitet e fundit, revistat e Kishës kanë pësuar ndryshime të konsiderueshme për të përkrahur anëtarët e secilës grupmoshë në përpjekjet e tyre për ta mësuar dhe jetuar ungjillin e Jezu Krishtit. Këto revista tani janë në dispozicion në 50 gjuhë, si në formatin e shtypur në letër edhe në atë digjital. Gjuhë të tjera janë në dispozicion në formatin digjital.
Presidenca e Zonës së Europës Qendrore e nxit çdo njeri ta shijojë këtë mundësi: “Është lutja jonë që, ndërsa fjalët e profetëve dhe dëshmitë e shenjtorëve vihen në dispozicion në çdo shtëpi, familjet tona të mund të bëhen më të përbashkuara, të lidhen te Krishti nëpërmjet ordinancave e besëlidhjeve dhe të marrin një plotësi të gëzimit.”
Për të mësuar më shumë për revistat e Kishës pa pagesë, klikoni këtu.