SOLT-LEJK-SITI, 12 shkurt 2026 – Kisha e Jezu Krishtit e Shenjtorëve të Ditëve të Mëvonshme ka njoftuar se Plaku Klark G. Gilbert është thirrur si anëtari më i ri i Kuorumit të Dymbëdhjetë Apostujve. Ai u thirr për të shërbyer më 11 shkurt dhe u shugurua ditën e nesërme nga Presidenti Dallin H. Ouks dhe anëtarët e Presidencës së Parë dhe të Kuorumit të Dymbëdhjetë Apostujve.
Plaku Gilbert, 55 vjeç, u rrit në Arizonë dhe ka shërbyer si Autoritet i Përgjithshëm I Shtatëdhjetë që nga viti 2021 dhe si komisioner i Sistemit Arsimor të Kishës që nga gushti i vitit 2021.
Kur foli për rolin e tij të ri, Plaku Gilbert dha një mesazh shprese të qendërzuar te Jezu Krishti: “Kjo është një kohë e shkëlqyer për t’i drejtuar njerëzit te Shpëtimtari Jezu Krisht. … Kur e bëjmë këtë, mund të gjejmë gëzim, ngushëllim dhe paqe tek Ai.”
Ai theksoi bindjen se, kur drejtohen te Krishti, kjo u sjell njerëzve kuptim, gëzim e qëllim më të madh anembanë.
Formimi i Plakut Gilbert pasqyron një zotim gjatë gjithë jetës ndaj arsimimit si dhe besimit. Ai u diplomua në UBJ, në Universitetin e Stenfordit dhe atë të Harvardit, duke iu bashkuar trupës pedagogjike të Shkollës së Harvardit për Biznes, përpara se të kalonte në udhëheqjen arsimore të Kishës përfshirë UBJ-Ajdahon dhe programin mbarëbotëror UBJ-Pathway.
Teksa e fillon këtë kapitull të ri shërbimi, Plaku Gilbert shpreh mirënjohje për mundësinë që të dëshmojë për Jezu Krishtin dhe të përkrahë individët dhe familjet për forcimin e besimit dhe shpresës nëpërmjet Tij.