Presidenca e Zonës së Europës Qendrore e Kishës së Jezu Krishtit të Shenjtorëve të Ditëve të Mëvonshme ka njoftuar ndryshime në udhëheqje mes Këshillueseve Zonale për Organizatat. Motra Sibel Libardi është liruar nga detyra e saj si Këshilluese Zonale për Organizatat për të shërbyer me bashkëshortin e saj si udhëheqës misioni për Misionin e Parisit të Veriut që nga 1 korriku 2026.
Motra Kristel Dekoudo, nga Franca, është thirrur për të shërbyer si Këshilluese Zonale për Organizatat duke nisur nga 24 marsi 2026.
“Ndihem vërtet e bekuar që jam thirrur për t’u shërbyer grave të Zonës së Europës Qendrore. Shërbimi ndaj njëra-tjetrës është një detyrë dhe privilegj i shenjtë nga Ati ynë Qiellor. Ai na njeh se cilat jemi, si dhe potencialin tonë. Ne jemi bijat e Tij të dashura, gra të besëlidhjes, të thirrura për të bërë gjëra të mëdha në këtë botë, kudo ku jemi dhe pavarësisht nga rrethanat tona në jetë”, – tha Motra Dekoudo.
Kristel Dekoudo lindi pranë Parisit, në Francë. Ajo dhe bashkëshorti i saj kanë 20 vite të martuar dhe jetojnë në Bezanso, Francë, në Kunjin e Luzanës, Zvicër. Ajo punon si infermiere anestezie.
Motra Dekoudo pati shërbyer në një sërë thirrjesh në Kishë në kohën kur u thirr, përfshirë si Presidente e Të Rejave në Kunj, udhëheqëse e Të Rejave, presidente dhe këshilltare e Shoqatës së Ndihmës dhe e Fillores në lagje, mësuese e Shkollës së të Dielës si për të rinjtë e të rejat, edhe për personat në moshë madhore, si mësuese në çift e FSY-së me bashkëshortin e saj dhe si pianiste në lagje.
“Doktrina e Jezu Krishtit, siç gjendet në shkrimet e shenjta dhe jepet mësim nga profetët e Tij, është përgjigjja ndaj shqetësimeve tona më të thella. Shpëtimtari ynë ka nevojë për gra të shenjta kudo për të ngritur moralisht, dhënë mësim, bekuar, udhëhequr dhe dëshmuar për emrin e Tij. Dashuria e Tij nuk njeh kufij dhe askush nuk është përtej mundësisë së Tij për ta arritur”, – tha ajo.
Këshillueset Zonale për Organizatat u vijnë në ndihmë udhëheqëseve vendore të organizatave të Kishës për fëmijët, rininë dhe gratë dhe zakonisht shërbejnë tre vjet në këtë rol. Krahas dhënies së orientimit dhe përkrahjes për presidencat e sapothirrura të organizatave, ato gjithashtu i ndihmojnë udhëheqëset të përfshihen në Veprën e Perëndisë për Shpëtimin dhe Ekzaltimin. Këshillueset Zonale për Organizatat shërbejnë nën drejtimin e Presidencës së Zonës dhe në bashkërendim me drejtuesit e përgjithshëm të Kishës.