Ne shpallim me gëzim dhe dëshmojmë solemnisht se për shkak të Jezu Krishtit, ne të gjithë do të jetojmë përsëri.
Në qendër të planit të përjetshëm të Perëndisë është misioni i Birit të Tij, Jezu Krishtit. Ai erdhi për të shëlbuar fëmijët e Perëndisë. Nëpërmjet Shlyerjes së Shpëtimtarit, ringjallja dhe pavdekësia u bënë realitet për të gjithë dhe jeta e përjetshme u bë një mundësi për të gjithë ata që do të kualifikohen. Jezusi shpalli:
“Unë jam ringjallja dhe jeta; ai që beson në mua, edhe sikur të duhej të vdesë do të jetojë. Dhe ai që jeton e beson në mua, nuk do të vdesë kurrë përjetë.” (Gjoni 11:25–26)
Falë i qoftë Perëndisë për Shlyerjen e Jezu Krishtit dhe për dhuratën e Tij të Ringjalljes!