Për shkak të shqetësimit të vazhdueshëm për shëndetin publik në mbarë botën, Presidenca e Parë e Kishës së Jezu Krishtit të Shenjtorëve të Ditëve të Mëvonshme ka njoftuar se konferenca e përgjithshme e prillit 2021 do të jetë vetëm në internet.
Punimet e prillit do të ndjekin shembullin e konferencës së përgjithshme të tetorit 2020: Transmetimi do të fillojë nga Teatri i Qendrës së Konferencave në Sheshin e Tempullit, vetëm folësit dhe bashkëshortet/ët e tyre për një sesion të dhënë do të jenë të pranishëm në mbledhje dhe muzika do të jetë e regjistruar paraprakisht nga konferencat e mëparshme të përgjithshme.
“Si një organizatë mbarëbotërore, ne kemi detyrimin të jemi qytetarë të mirë dhe të veprojmë me kujdes për sa i përket një mjedisi kaq të pashoq si konferenca e përgjithshme, që si traditë sjell në Solt‑Lejk‑Siti mijëra vizitorë nga mbarë rruzulli”, ka thënë Presidenca e Parë.
Të gjitha sesionet e konferencës së prillit 2021 do të transmetohen drejtpërdrejt te broadcasts.ChurchofJesusChrist.org. Sesionet gjithashtu do të jenë në dispozicion nëpërmjet programit Gospel Library [Biblioteka e Ungjillit], në kanalin Latter-day Saints Channel, në kanale radiofonike, televizive, satelitore dhe kanale të tjera digjitale. Shih 5 Mënyra për ta Parë ose Dëgjuar Drejtpërsëdrejti Konferencën e Përgjithshme për një listë më të hollësishme.
Të gjithë anëtarët dhe miqtë e Kishës së Jezu Krishtit të Shenjtorëve të Ditëve të Mëvonshme ftohen të marrin pjesë në Konferencën e Përgjithshme Vjetore të 191-të. Presidenca e Parë, anëtarët e Kuorumit të Dymbëdhjetë Apostujve dhe udhëheqës të tjerë të Kishës do të japin mesazhe frymëzimi dhe udhërrëfimi.
Konferenca e Përgjithshme do të përkthehet drejtpërdrejt në 74 gjuhë . Pjesë të Konferencës së Përgjithshme do të përkthehen në gjithsej 93 gjuhë.