Festivali: Një koncert rinor është një festë mbarëbotërore që të rinjtë dhe të rejat ta forcojnë dishepullimin e tyre ndaj Jezu Krishtit nëpërmjet muzikës.
Ky koncert 60minutësh, i regjistruar paraprakisht, përmban këngë nga albumet e fundit me tematikën Strive to Be [Përpiqu të Jesh] dhe do të jetë në dispozicion për t’u shkarkuar duke filluar nga dita e hënë, më 10 gusht 2024 (sipas orës në zonën e shtatë orare), në anglisht, frëngjisht, spanjisht dhe portugalisht.
Njësitë e Kishës me të rinj e të reja, që flasin gjuhë të tjera, mund të zgjedhin të marrin pjesë nëse të rinjve e të rejave të tyre u pëlqen të dëgjojnë muzikë në ndonjë nga gjuhët e dhëna.
Transmetimi i regjistruar paraprakisht do të jetë në dispozicion në faqen broadcasts.ChurchofJesusChrist.org, në programin Gospel Stream dhe në kanalin Strive to Be në YouTube. Ai do të vihet në dispozicion më vonë edhe në pjesën Muzika për Rininë në Gospel Library [Biblioteka e Ungjillit].
Kunjet ftohen të marrin pjesë nga i gjithë rruzulli të shtunën, më 10 gusht, ose në një datë tjetër që përshtatet me oraret dhe nevojat vendore.
Sugjerime për Planifikimin
Udhëheqësit inkurajohen ta përfshijnë rininë në planifikimin e një ngjarjeje ku do të shfaqet koncerti, duke e përshtatur ngjarjen me rrethanat e tyre të pashoqe (Manuali i Përgjithshëm 29.3.10). Sugjerimet vijuese mund të jenë të dobishme:
-
Lëreni Rininë të Udhëheqë: Atje ku është e mundur, ftojeni këshillin e kunjit për rininë që të udhëheqë planifikimin dhe realizimin e ngjarjes.
-
Inkurajojeni Pjesëmarrjen në Grup: Në fillim të korrikut, një listë me këngë nga koncerti dhe materiale reklamuese do të jetë në dispozicion në youth.ChurchofJesusChrist.org. Të rinjtë inkurajohen të njihen me këto këngë para ngjarjes. Mund t’i nxitni të rinjtë të ftojnë miq të besimeve të tjera që të këndojnë, të festojnë dhe ta adhurojnë Jezu Krishtin së bashku me ju.
-
Merrini Parasysh Numrat: Merreni parasysh a do të mblidheni si kunj ose me kunje të shumta. Mbledhjet me më shumë pjesëmarrës mund të japin përvojën më të mirë për këtë ngjarje.
-
Përshtatuni me Nevojat Vendore: Transmetimi do të jetë në dispozicion më 10 gusht. Udhëheqësit vendorë mund t’i hartojnë planet e tyre për ngjarjen që të përshtaten me rrethanat dhe burimet vendore, duke zgjedhur datën dhe orën që funksionon më mirë për ta. Për shembull, ngjarja mund të përfshijë një vallëzim ose veprimtari të tjera, ushqim apo një paraqitës/e për ngjarjen.
-
Merreni Parasysh Vendndodhjen: Për shkak të stilit kremtues të muzikës dhe shpresës për pjesëmarrjen e rinisë, mund të funksionojë më mirë mbledhja në një ambient të jashtëm ose në një vend me hapësirë të madhe.
Mësoni më shumë lidhur në këtë artikull nga rubrika Lajme të Kishës. (Vetëm në anglisht)