Presidencia e Zonale Evropiane e Kishës së Jezu Krishtit të Shenjtorëve të Ditëve të Mëvonshme lëshoi një deklaratë për tërmetin me magnitudë 6.4 dhe pasgoditjet që goditën dje Shqipërinë:
'Ne jemi thellësisht të shqetësuar për popullin e Shqipërisë dhe të pikëlluar për humbjen e jetëve dhe shkatërrimit të shkaktuar nga tërmeti. Ne i përcjellim dashurinë dhe simpatinë tonë familjeve dhe individëve që janë të brengosur.
Drejtuesit dhe anëtarët e Kishës Lokale janë të zënë me vlerësimin e nevojave dhe burimeve në mesin e komunitetit tonë të besimtarëve, si dhe t'u drejtohemi fqinjëve dhe miqve tanë, si dhe qeverisë shqiptare dhe grupeve të tjera për të parë se çfarë është e nevojshme dhe si mund të ndihmojë Kisha.
Ne jemi mirënjohës për udhëheqjen frymëzuese dhe të palodhur të Medlir Mema, presidentit të Kunjit të Shqipërise dhe të drejtuesve të tjerë të Kishës lokale. Ata jo vetëm që kujdesen për familjet e tyre, por gjithashtu mbështesin shumë individë dhe familje të tjera. Ne në Presidencën e Zonës së Evropës, së bashku me shumë të tjerë në të gjithë Shqipërinë, vazhdojmë të lutemi për ata që po vajtojnë humbjen e të dashurve; për ata që janë të lënduar dhe vuajnë; për të moshuarit dhe fëmijët që janë veçanërisht të traumatizuar; për punonjësit e shpëtimit dhe mjekësisë, dhe për të gjithë të tjerët të ndikuar nga tërmeti. Ne i ftojmë anëtarët e Kishës sonë që të bashkohen me ne dhe ata të besimeve të tjera për t'i lutur Zotit me të gjitha forcat tona që jetët të shpëtohen, plagët të shërohen, zemrat të ngushëllohen dhe familjet e bashkuara në siguri. Si një kishë që mban emrin e Jezu Krishtit, ne do të vazhdojmë të bëjmë siç Shpëtimtari do që ne të bëjmë. Ne do të punojmë me qeverinë dhe grupet e tjera për të sjellë ndihmë, shërim dhe shpresë për ata që u prekën nga kjo fatkeqësi '.
Presidenca e Zonës së Evropës
Plaku Gary B. Sabin
Plaku Massimo De Feo
Plaku Erich W. Kopischke