Shkrimet e Shenjta
“Atë që unë, Zoti, kam thënë, e kam thënë … qoftë nëpërmjet zërit tim apo nëpërmjet zërit të shërbëtorëve të mi është njësoj” (DeB 1:38); “Ju duhet t’u vini veshin fjalëve dhe urdhërimeve të tij, që ai do t’jua japë ashtu siç i merr ato. … Sepse fjalën e tij duhet ta merrni si nga goja ime, plot durim e besim. Pasi duke i bërë këto gjëra, portat e ferrit nuk do të hapen kundër jush; po, dhe Zoti Perëndi do t’i shpërndajë fuqitë e errësirës përpara jush dhe do të bëjë që qiejt të dridhen për të mirën tuaj dhe për lavdinë e emrit të tij” (DeB 21:4–6).
Pyetjet
- Pse disa njerëz e kanë të vështirë të ndjekin profetët e Perëndisë?
- Çfarë bekimesh i ndjekin ata që marrin këshilla nga profetët?
- Si jeni bekuar duke ndjekur profetin?
Objektivi
Udhëheqja nga një profet i gjallë është një nga karakteristikat dalluese të Kishës së Krishtit. Ndërsa e pranojmë këshillën e profetit si këshillën e Zotit, ne do të udhëhiqemi në ditët e fundit plot rreziqe.