A ke dëgjuar ndonjëherë dikë të thotë: “Ishte një mbledhje e shkëlqyer sakramenti” dhe të pyetësh veten a ishte vallë në të njëjtën mbledhje sakramenti me ty? Mbledhja e sakramentit synon ta bekojë jetën tonë, por që të marrim vërtet maksimumin prej saj, duhet të investojmë pak nga vetja. Ja tek janë disa sugjerime rreth kësaj …
Sakramenti:
- Si pjesë të studimit tënd të përditshëm, lexo se çfarë thuhet në shkrimet e shenjta tek Tema dhe Pyetje ose tek Udhëzuesi për Shkrimet e Shenjta, për temën “Sakramenti”.
- Përgatitu paraprakisht për mbledhjen. Shko herët në Kishë, dëgjo muzikën para fillimit të mbledhjes dhe kërko zbulesë.
- Gjatë himnit të sakramentit, mendo për fjalët e himnit.
- Përsërite në mendje se pse po e merr sakramentin.
- Përqendrohu te lutjet që bëhen. Mendo për veten sikur po vihesh nën besëlidhje.
Bisedat:
- Vendos se do të mësosh të paktën një gjë të re nga secili prej folësve. Pastaj, mbaj vesh!
- Nëse folësi ka emocione, buzëqeshi dhe shikoje në sy. Shmangi pëshpëritjet me të tjerët. Do të dëshiroje të njëjtën dashamirësi dhe respekt po të ishe ti në foltore. Mendimi i thellë do të të ndihmojë ta ftojë Shpirtin të të mësojë.
- Përfytyro sikur do të të duhet të shkruash një reportazh rreth bisedës. Cilat janë argumentet e drejta që trajtoi folësi?
- Shkruaj pyetje rreth temës së një bisede, që të mund të bësh kërkime për to më vonë.
- Sill një shok ose shoqe joanëtare ose pak aktive. Do ta gjesh veten duke i kushtuar më shumë vëmendje mbledhjes dhe duke mësuar më shumë në rast se shoku ose shoqja jote ka pyetje ose do të bisedojë rreth asaj që mësoi ose dëgjoi.
- Kujtohu se nëse u qasesh bisedave me dëshirë për të mësuar, Shpirti mund të të mësojë gjërat që ke nevojë të mësosh, edhe nëse folësit i përmendin ato tërthorazi.